الشاعر الحميدي بن كمي المويعزي
قصيدة الشاعر / الحميدي بن كمي المويعزي
في رثاء أخيه
احمد بن كمي ( رحمه الله )
| |
| مرحـوم ياشـبـل عـلـى دايــر الـحـول الـيـا ذكـرتــه كـــن مـالــي ربـوعــي |
| كـنــي خــــلاوي مــاورايــه ولا زول وانـا كبـر ضلـعـان سلـمـى جمـوعـي |
| يـوم اذكـره وآخذلـي شــوي مـذهـول اقفـي تسـابـق فــوق خــدي دمـوعـي |
| واسكت وانا فكري من الحزن مشلول شـي يعصـر القلـب بـيـن الضلـوعـي |
| الـيـا ذكـرتـه هـلــت الـعـيـن هـمـلـول وان شفـت قبـره طيـر البيـن شوعـي |
| والله يالولآ الصبـر عـن طقـة الجـول انـي ممـضـي بـعـد مـوتـه اسبـوعـي |
| أمـا لــو اومــي بالهـداريـس مهـبـول وإلا لامـوت مـن العنـا فــوق كـوعـي |
| ياحـالـي الـلـي كنـهـا حــال مـسـلـول لاهـم عشـق ولابـرى الحـال جـوعـي |
| والعـيـن كــن بنونـهـا راس سمـلـول يامـا اسهرتنـي والخـلايـق هجـوعـي |
| يجبـر عزايـه راعـي الحـول والطـول فـاخــوي لاكـثـرت عـلــي الـفـزوعـي |
| اخـــوي مـاهــو بريـاجـيـل دعــبــول سيـفـاً يـفـصـم مبـهـمـات الـدروعــي |
| سمـح المحـيـا كـامـل العـقـل بهـلـول حـراً عـزيـز النـفـس مـاهـو دنـوعـي |
| كـريـم سـبـلا لاهـبــا كـــل مـسـطـول راعــي حمـيـا دون ربـعـه جـزوعــي |
| روح وخـلانـي مـراحـاً يـبـي يـطــول فــي رحـلـةً مـاعـاد فـيـهـا رجـوعــي |
| فــي جـيـرةالله يـابـعـد كـــل مـخـيـول تبكيـك نـاسـاً مــع طريـقـك نجـوعـي |
| لانوخـت بالـزور وش عـاد ابـا اقـول الامــر لـلـي لـــه عـبـيـده خـشـوعـي |
| يالله عسـى ذنـبـه برحمـتـك مغـسـول عبداً خشع لـك فـي سجـود وركوعـي |
| عسـاه فـي عفـوك ورحمتـك مشمـول فـي ظـل عرشـك عـن عذابـاً يروعـي |
تعليقات
إرسال تعليق
نتشرف بتعليقك